छत्तीसगढ़ी सुपरहिट गाना

जय जोहार…. जब ले छत्तीसगढ़ राज्य ह बने हे, तब ले (Chollywood) छत्तीसगढ़ी फिलिम घलो सरलघा आवत हे। एखर संगेसंग दर्शक मन के रुझान घलो सरलगा छत्तीसगढ़ी फिलिम के ओर बढ़ता ही जावत हे। एखर परिणाम हे कि कई फिलिम ह रिकार्ड तोड़ प्रदर्शन घलो करे हे। अभी कोरोना संक्रमण अउ लाकडाउन सती बड़का बैनर के (Chollywood) कई फिलिम प्रदर्शन के कतार म हे, लेकिन ए बीच सरलघा नित नवा आवत छत्तीसगढ़ी वीडियो सांग, एलबम अऊ शार्ट मूवी ह बराबर दर्शक मन ल बांधे रखे हे। आज सोमवार के छॉलीवुड म एक नवा अध्याय ह जुडे ल जावत हे। शुभ फिलिम अउ निर्माता-एक्टर रॉकी दासवानी ह छॉलीवुड के अब तक के सबले बड़का मल्टी स्टारर छ्ततीसगढ़ी गाना के शूटिंग करइया हे। आप मन ल बता दन कि दू दिन तक सरलघा मुक्तांगन अउ सेन्ट्रल पार्क, नवा रायपुर म मल्टी स्टारर (Chollywood) छत्तीसगढ़ी गाना के पिक्चराइज करे जाही। आज जेन गाना के शूटिंग होही, ओमा कोरियोग्राफर निशांत उपाध्याय गीतकार, घनश्याम महानन्द, संगीतकार, घनश्याम महानन्द अऊ गायक स्वर होही- सुनील सोनी, अनुराग शर्मा, अनुज शर्मा, गरिमा दिवाकर अऊ घनश्याम महानन्द के। उहचे अवइया कलाकार होही अनुज शर्मा, मन कुरैशी, प्रकाश अवस्थी, मोना सेन, अनिकृति चौहान, आकाश सोनी, सुनील तिवारी, गरिमा दिवाकर, दिलेश साहू, राज साहू, रुना शर्मा, मनीषा वर्मा, अनुपमा मनहर, सोनाली सहारे अउ अशरफ अली। उहचे काली मंगलवार के सेंट्रल पार्क, नवा रायपुर म अवइया कलाकार होही- सतीश जैन, क्षमानिधि मिश्रा, मनोज वर्मा, संतोष जैन, मोहन सुंदरानी, प्रेम चन्द्राकर, अलक राय, रॉकी दासवानी, अनुराग शर्मा, सुनील सोनी, घनश्याम महानंद, दिलीप षडंगी, अनुराधा दुबे अऊ जोशी सिस्टर्स