Prajavani churumuri

‘ಪುರುಷರಿಗೆ ಮೀಸಲಾದ ಸೀಟುಗಳಲ್ಲಿ ಹೆಂಗಸರು ಕೂರುವಂತಿಲ್ಲ...’ ಬಸ್ಸಿನಲ್ಲಿ ಕಂಡಕ್ಟರ್ ಅನೌನ್ಸ್ ಮಾಡಿದರು. ಪುರುಷರಿಗೆ ಎಲ್ಲೂ ಇಲ್ಲದ ಮೀಸಲಾತಿ ಬಸ್ಸಿನಲ್ಲಿದೆ ಎಂದು ಶಂಕ್ರಿ ಆನಂದಪಟ್ಟ. ‘ಹೆಂಗಸೊಬ್ಬಳು ಗಂಡಸರ ಸೀಟಿನಲ್ಲಿ ಕುಳಿತಿದ್ದಾಳೆ, ಅವಳನ್ನು ಏಳಿಸ್ರೀ, ನಿಮ್ಮ ಟಿಕೆಟ್ ಲೆಕ್ಕದಲ್ಲಿ ನಾನು ಅಲ್ಲಿ ಕೂರ್ತೀನಿ’ ಸುಮಿ ಗಂಡನಿಗೆ ಪಿಸುಗುಟ್ಟಿದಳು. ‘ಮೇಡಂ, ಇದು ಗಂಡಸರ ಸೀಟು’ ಅಂದ ಶಂಕ್ರಿ. ‘ಬಸ್ಸಿನ ಸೀಟಿಗೆ ಹೆಣ್ಣು-ಗಂಡೆಂಬ ಲಿಂಗಭೇದವಿಲ್ಲ...’ ಅಂದಳು. ‘ಹಾಗಲ್ಲಾ, ಟಿಕೆಟ್ ಖರೀದಿಸಿದ ಪುರುಷರ ಸೀಟು ಇದು’. ಪಕ್ಕದಲ್ಲಿದ್ದ ಗಂಡಸು, ‘ರೀ ಸ್ವಾಮಿ, ಆ ಸೀಟಿಗೆ ನಾನೇ ಟಿಕೆಟ್ ತಗೊಂಡು ಹೆಂಡ್ತಿಯನ್ನು ಕೂರಿಸಿ ನಾನು ಸ್ಟ್ಯಾಂಡಿಂಗ್‍ನಲ್ಲಿದ್ದೀನಿ’ ಅಂದ. ಇನ್ನೊಬ್ಬ ಮಹಿಳೆ ಬಳಿ ಹೋಗಿ, ‘ಮೇಡಂ, ನಿಮ್ಮ ಗಂಡನೂ ಸ್ಟ್ಯಾಂಡಿಂಗ್‍ನಲ್ಲಿದ್ದಾರಾ?’ ಶಂಕ್ರಿ ಕೇಳಿದ. ‘ಇಲ್ಲ, ಮನೇಲಿದ್ದಾರೆ’. ‘ಹಾಗಾದ್ರೆ ಎದ್ದೇಳಿ, ಇದು ಗಂಡಸರ ಸೀಟು’ ಅಂದಳು ಸುಮಿ. ‘ಹೌದು ಮೇಡಂ, ಈ ಸೀಟಿಗೆ ಗಂಡಸರು ಟಿಕೆಟ್ ಕೊಂಡಿದ್ದಾರೆ’ ಎಂದರು ಕಂಡಕ್ಟರ್. ‘ಸೀಟು ಬಿಡಲ್ಲ, ನನಗೂ ಟಿಕೆಟ್ ಕೊಡಿ...’ ಪರ್ಸಿನಿಂದ ದುಡ್ಡು ತೆಗೆದಳು. ‘ಕಂಡಕ್ಟರೇ, ಮಹಿಳೆಯರಿಗೆ ಟಿಕೆಟ್ ಕೊಡುವುದು ನಿಯಮಬಾಹಿರ...’ ಸುಮಿ ಎಚ್ಚರಿಸಿದಳು. ‘ಮುಂದಿನ ಸ್ಟಾಪಿನಲ್ಲಿ ಈ ಅಜ್ಜಿ ಇಳಿಯುತ್ತಾರೆ, ಸೀಟು ಖಾಲಿಯಾಗುತ್ತೆ’ ಎಂದರು ಕಂಡಕ್ಟರ್. ‘ಈ ಸೀಟು ನನ್ನದು, ಕೈಲಾಗದ ಅಜ್ಜಿ ಅಂತ ಬಿಟ್ಟುಕೊಟ್ಟಿದ್ದೇನೆ’ ಪಕ್ಕದವನು ಅಡ್ಡ ಬಂದ. ‘ನನ್ನ ಹೆಂಡ್ತೀನ ಕೂರಿಸಬೇಕು, ಸೀಟು ಬಿಟ್ಟುಕೊಡಿ, ಟಿಕೇಟಿನ ಎರಡರಷ್ಟು ದುಡ್ಡು ಕೊಡ್ತೀನಿ’ ಶಂಕ್ರಿ ಆಮಿಷವೊಡ್ಡಿದ. ‘ನಾನು ಬ್ಲ್ಯಾಕ್ ಟಿಕೆಟ್ ಮಾರುವವ ನೇನ್ರೀ?...’ ಎಂದು ಕೂಗಾಡಿದ. ಶಂಕ್ರಿ ತೆಪ್ಪಗಾದ. ‘ಹೆಂಡ್ತಿಗೊಂದು ಸೀಟಿನ ವ್ಯವಸ್ಥೆ ಮಾಡಲಾಗಲಿಲ್ಲ, ಛೇ, ನೀವೆಂಥಾ ಗಂಡ...’ ಶಂಕ್ರಿಗೆ ಸುಮಿ ತಿವಿದು ಹೇಳಿದಳು.

‘ಪುರುಷರಿಗೆ ಮೀಸಲಾದ ಸೀಟುಗಳಲ್ಲಿ ಹೆಂಗಸರು ಕೂರುವಂತಿಲ್ಲ...’ ಬಸ್ಸಿನಲ್ಲಿ ಕಂಡಕ್ಟರ್ ಅನೌನ್ಸ್ ಮಾಡಿದರು. ಪುರುಷರಿಗೆ ಎಲ್ಲೂ ಇಲ್ಲದ ಮೀಸಲಾತಿ ಬಸ್ಸಿನಲ್ಲಿದೆ ಎಂದು ಶಂಕ್ರಿ ಆನಂದಪಟ್ಟ. ‘ಹೆಂಗಸೊಬ್ಬಳು ಗಂಡಸರ ಸೀಟಿನಲ್ಲಿ ಕುಳಿತಿದ್ದಾಳೆ, ಅವಳನ್ನು ಏಳಿಸ್ರೀ, ನಿಮ್ಮ ಟಿಕೆಟ್ ಲೆಕ್ಕದಲ್ಲಿ ನಾನು ಅಲ್ಲಿ ಕೂರ್ತೀನಿ’ ಸುಮಿ ಗಂಡನಿಗೆ ಪಿಸುಗುಟ್ಟಿದಳು. ‘ಮೇಡಂ, ಇದು ಗಂಡಸರ ಸೀಟು’ ಅಂದ ಶಂಕ್ರಿ. ‘ಬಸ್ಸಿನ ಸೀಟಿಗೆ ಹೆಣ್ಣು-ಗಂಡೆಂಬ ಲಿಂಗಭೇದವಿಲ್ಲ...’ ಅಂದಳು. ‘ಹಾಗಲ್ಲಾ, ಟಿಕೆಟ್ ಖರೀದಿಸಿದ ಪುರುಷರ ಸೀಟು ಇದು’. ಪಕ್ಕದಲ್ಲಿದ್ದ ಗಂಡಸು, ‘ರೀ ಸ್ವಾಮಿ, ಆ ಸೀಟಿಗೆ ನಾನೇ ಟಿಕೆಟ್ ತಗೊಂಡು ಹೆಂಡ್ತಿಯನ್ನು ಕೂರಿಸಿ ನಾನು ಸ್ಟ್ಯಾಂಡಿಂಗ್‍ನಲ್ಲಿದ್ದೀನಿ’ ಅಂದ. ಇನ್ನೊಬ್ಬ ಮಹಿಳೆ ಬಳಿ ಹೋಗಿ, ‘ಮೇಡಂ, ನಿಮ್ಮ ಗಂಡನೂ ಸ್ಟ್ಯಾಂಡಿಂಗ್‍ನಲ್ಲಿದ್ದಾರಾ?’ ಶಂಕ್ರಿ ಕೇಳಿದ. ‘ಇಲ್ಲ, ಮನೇಲಿದ್ದಾರೆ’. ‘ಹಾಗಾದ್ರೆ ಎದ್ದೇಳಿ, ಇದು ಗಂಡಸರ ಸೀಟು’ ಅಂದಳು ಸುಮಿ. ‘ಹೌದು ಮೇಡಂ, ಈ ಸೀಟಿಗೆ ಗಂಡಸರು ಟಿಕೆಟ್ ಕೊಂಡಿದ್ದಾರೆ’ ಎಂದರು ಕಂಡಕ್ಟರ್. ‘ಸೀಟು ಬಿಡಲ್ಲ, ನನಗೂ ಟಿಕೆಟ್ ಕೊಡಿ...’ ಪರ್ಸಿನಿಂದ ದುಡ್ಡು ತೆಗೆದಳು. ‘ಕಂಡಕ್ಟರೇ, ಮಹಿಳೆಯರಿಗೆ ಟಿಕೆಟ್ ಕೊಡುವುದು ನಿಯಮಬಾಹಿರ...’ ಸುಮಿ ಎಚ್ಚರಿಸಿದಳು. ‘ಮುಂದಿನ ಸ್ಟಾಪಿನಲ್ಲಿ ಈ ಅಜ್ಜಿ ಇಳಿಯುತ್ತಾರೆ, ಸೀಟು ಖಾಲಿಯಾಗುತ್ತೆ’ ಎಂದರು ಕಂಡಕ್ಟರ್. ‘ಈ ಸೀಟು ನನ್ನದು, ಕೈಲಾಗದ ಅಜ್ಜಿ ಅಂತ ಬಿಟ್ಟುಕೊಟ್ಟಿದ್ದೇನೆ’ ಪಕ್ಕದವನು ಅಡ್ಡ ಬಂದ. ‘ನನ್ನ ಹೆಂಡ್ತೀನ ಕೂರಿಸಬೇಕು, ಸೀಟು ಬಿಟ್ಟುಕೊಡಿ, ಟಿಕೇಟಿನ ಎರಡರಷ್ಟು ದುಡ್ಡು ಕೊಡ್ತೀನಿ’ ಶಂಕ್ರಿ ಆಮಿಷವೊಡ್ಡಿದ. ‘ನಾನು ಬ್ಲ್ಯಾಕ್ ಟಿಕೆಟ್ ಮಾರುವವ ನೇನ್ರೀ?...’ ಎಂದು ಕೂಗಾಡಿದ. ಶಂಕ್ರಿ ತೆಪ್ಪಗಾದ. ‘ಹೆಂಡ್ತಿಗೊಂದು ಸೀಟಿನ ವ್ಯವಸ್ಥೆ ಮಾಡಲಾಗಲಿಲ್ಲ, ಛೇ, ನೀವೆಂಥಾ ಗಂಡ...’ ಶಂಕ್ರಿಗೆ ಸುಮಿ ತಿವಿದು ಹೇಳಿದಳು.