टीव्ही9 मराठी लाईव्ह बातम्या

Eknath Shinde on Shiv Sena BJP Yuti : राष्ट्रात मोदी, महाराष्ट्रात शिंदे... या जाहिरातीमुळं एकनाथ शिंदे यांच्या नेतृत्वाखालील शिवसेना व भाजपमध्ये दोन दिवसांपासून संघर्ष सुरू आहे. उपमुख्यमंत्री देवेंद्र फडणवीस हे देखील या जाहिरातीमुळं नाराज झाल्याचं बोललं जात होतं. मुख्यमंत्री एकनाथ शिंदे यांनी आज पालघरमध्ये बोलताना फडणवीसांच्या या नाराजीवर फुंकर घातली. फडणवीस आणि आमची दोस्ती ही २० वर्षांपासूनची आहे. फेविकॉलचा मजबूत जोड आहे. कोणी कितीही प्रयत्न केले तरी तो तुटणार नाही, असा दावा शिंदे यांनी यावेळी केला. शिंदे यांनी यावेळी महाविकास आघाडीवरही हल्लाबोल केला. Devendra Fadnavis on Ad Row : वर्तमानपत्रांमध्ये दिलेल्या एका जाहिरातीमुळं एकनाथ शिंदे यांच्या नेतृत्वाखालील शिवसेना व भाजपमध्ये दोन दिवसांपासून सुरू असलेल्या वादावर उपमुख्यमंत्री देवेंद्र फडणवीस यांनी आज प्रथमच जाहीर भाष्य केलं. एखाद्या जाहिरातीमुळं या सरकारला काही होईल इतकं हे तकलादू सरकार नाही. कोणी आधी भाषण करायचं आणि कोणी नंतर करायचं यावरून कॉलर पकडणारं आमचं सरकार नाही. जोपर्यंत सामान्यांच्या जीवनात परिवर्तन होत नाही, तोपर्यंत आमचं सरकार कार्यरत राहील, असा दावा फडणवीस यांनी केला. Supriya Shrinate on Brij Bhushan Singh : महिला कुस्तीपटूंच्या लैंगिक शोषणाचा आरोप झालेले भारतीय जनता पक्षाचे खासदार बृजभूषण सिंह यांना क्लीन चिट देण्यात आली आहे. तक्रारदार कुस्तीपटूच्या वडिलांनी आरोप मागे घेतल्यानंतर पोलिसांनी या प्रकरणी क्लोजर रिपोर्ट न्यायालयात सादर केला आहे. या घडामोडींवरून काँग्रेसनं भाजपवर जोरदार हल्लाबोल केला आहे. 'भाजपचा नवा नारा 'बेटी डराओ-बृजभूषण बचाओ' असा झाल्याची बोचरी टीका काँग्रेसनं केली आहे.